foodki抽獎進行中，六張op 哈囉喂飛
貓之眼 @ 灣仔
貓之眼特選蛋包飯(7.5/10)($108)
貓之眼特選即係，一塊和牛漢堡扒加兩隻醬汁。蛋真係炒得極香極滑，蛋味好濃，炒得岩岩好，仲有少少蛋汁，好均勻，一大塊蛋蓋住珍珠米，好開胃。貓之眼有三種醬汁選擇，咖哩汁，蕃茄汁同埋忌廉汁。foodki就揀左咖哩汁同埋忌廉汁。咖哩汁當然係日式咖哩，原來用左成35種香料，所以咖哩有日式甜味之餘又多一份香料味，唔錯，可惜咖哩汁裡面無肉。但foodki最滿意既絕對係忌廉汁，真係非常好味，忌廉汁好creamy，配上蔬菜既清新口感，忌廉汁混合左西蘭花同啖啖雞肉，食起上黎清新，撈埋蛋包飯確實好食！
和牛漢堡扒有肉汁味濃，煎得恰到好處，亦都唔易散。
可惜蛋包飯飯底唔係炒飯，只係普通白飯，可以話係有啲失望。如果係炒飯底就更加滿意！
，
地址：灣仔汕頭街25號地舖
Search